ਅਜੋਕੀ ਦੁਨੀਆਂ
ਇਹ ਦੁਨੀਆਂ ਬਹੁਤ ਸਾਰੇ ਰੰਗਾਂ ਨਾਲ ਭਰਪੂਰ ਹੈ ਅਤੇ ਇਸ ਦੁਨੀਆਂ ਵਿੱਚ ਤਰ੍ਹਾਂ ਤਰ੍ਹਾਂ ਦੇ ਲੋਕ ਵੱਸਦੇ ਹਨ। ਇਨ੍ਹਾਂ ਲੋਕਾਂ ਦੀ ਬਾਹਰੀ ਦਿੱਖ ਅਤੇ ਅੰਦਰੂਨੀ ਦਿੱਖ ਵਿੱਚ ਜ਼ਮੀਨ ਅਸਮਾਨ ਦਾ ਫਰਕ ਹੁੰਦਾ ਹੈ। ਇਹ ਲੋਕ ਜੋ ਬਾਹਰੋਂ ਦਿਖਾਈ ਦਿੰਦੇ ਹਨ ਅਸਲ ਵਿੱਚ ਅੰਦਰੋਂ ਉਸ ਤੋਂ ਬਿਲਕੁਲ ਵੱਖਰੇ ਹੁੰਦੇ ਹਨ। ਆਮ ਕਰਕੇ ਦੇਖਿਆ ਜਾਂਦਾ ਹੈ ਕਿ ਬਾਹਰੀ ਜੁਬਾਨ ਦੇ ਮਿੱਠੇ ਲੋਕੀਂ ਅੰਦਰੋਂ ਜ਼ਹਿਰ ਵਰਗੇ ਕੌੜੇ ਹੁੰਦੇ ਹਨ, ਜੋ ਕਿਸੇ ਦੂਜੇ ਦੀ ਕਾਮਯਾਬੀ ਦੇਖ ਕੇ ਖੁਸ਼ ਨਹੀਂ ਹੋ ਸਕਦੇ, ਸਿਰਫ ਖੁਸ਼ ਹੋਣ ਦਾ ਦਿਖਾਵਾ ਹੀ ਕਰ ਸਕਦੇ ਹਨ। ਬਾਹਰੋਂ ਪਿਆਰ ਦਾ ਦਿਖਾਵਾ ਕਰਕੇ ਆਮ ਲੋਕ ਦੂਜਿਆਂ ਨੂੰ ਭਰਮਾ ਲੈਂਦੇ ਹਨ ਅਤੇ ਆਪਣੇ ਮਤਲਬ ਦੀ ਪੂਰਤੀ ਹੋਣ ਮਗਰੋਂ ਝੱਟ ਹੀ ਪਾਸਾ ਵੱਟ ਲੈਂਦੇ ਹਨ।
ਇਹ ਦੁਨੀਆ ਅਜਿਹੀ ਹੈ ਜਿੱਥੇ ਲੋਕ ਬਿਗਾਨਿਆਂ ਨਾਲ ਤਾਂ ਕੀ ਆਪਣਿਆਂ ਨਾਲ ਵੀ ਦਗਾ ਕਰਨ ਤੋਂ ਨਹੀਂ ਕਤਰਾਉਂਦੇ। ਅਜਿਹੀ ਦੁਨੀਆਂ ਵਿਚਲੇ ਲੋਕ ਆਪਣਿਆਂ ਨਾਲ ਪਰਾਇਆਂ ਵਰਗਾ ਸਲੂਕ ਕਰਦੇ ਹਨ ਅਤੇ ਪਰਾਇਆਂ ਨੂੰ ਆਪਣਾ ਮਨ ਕੇ ਦਿਲ ਦੀ ਗੱਲ ਉਹਨਾਂ ਨਾਲ ਕਰਦੇ ਹਨ, ਪਰ ਉਨ੍ਹਾਂ ਨੂੰ ਇਹ ਗੱਲ ਦਾ ਬਿਲਕੁਲ ਵੀ ਅੰਦਾਜ਼ਾ ਨਹੀਂ ਹੁੰਦਾ ਕਿ ਜਿਸ ਪਰਾਏ ਨੂੰ ਆਪਣਾ ਸਮਝ ਕੇ ਦਿਲ ਦੀ ਦਰਦ ਸਾਂਝਾ ਕਰ ਰਹੇ ਹਨ, ਉਹ ਉਸਦਾ ਹਮਦਰਦੀ ਨਾ ਹੋ ਕੇ ਇਕ ਅਜਿਹਾ ਢੌਂਗੀ ਹੈ, ਜੋ ਕਿਸੇ ਦੂਜੇ ਸਾਹਮਣੇ ਉਸਦੀਆਂ ਭਾਵਨਾਵਾਂ ਦਾ ਮਜ਼ਾਕ ਬਣਾ ਸਕਦਾ ਹੈ। ਅਜਿਹੀ ਦੁਨੀਆਂ ਵਿੱਚ ਲੋਕ ਪਹਿਲਾਂ ਤਾਂ ਦੁੱਖ ਦਿੰਦੇ ਹਨ ਅਤੇ ਫਿਰ ਪੁੱਛਦੇ ਹਨ, ਕੀ ਹਾਲ ਹੈ.......??(ਗਗਨਦੀਪ ਕੌਰ ਸਾਹੀ)
Assistant professor
Department of Punjabi
Lyallpur Khalsa College, kapurthala
No comments:
Post a Comment